捧巴塞隆拿主场打爆基达菲
 
巴塞隆拿已经赢到唔识停，目前嘅状态同埋走势都係全季最好，加上西甲一直被皇马紧缠，为免大意失榜首，是役喺鲁营球场对基达菲绝对唔会放软手脚，足智彩开让球主客和，巴塞「让主」动杀「基」。（周二1，now632台周三2:00am直播）
 
欧联技术性击倒巴黎圣日耳门，已见巴塞重拾昔日细腻风格，边个话安历基上任之后只係识得守？上周打吡战以2:0击败爱斯宾奴，美斯、尼马同埋苏亚雷斯全部有货交，呢个进攻铁三角愈嚟愈合拍，难怪球队战绩稳步上扬，最近又斩获4连胜啦！鑑于皇马喺西甲步步进逼，巴塞目前最重要係自求多福，特别係主场对弱旅嗰阵，真係唔应该大意失分，虽然休息几日匆匆再战，不过基达菲嘅处境亦一样，巴塞胜在返鲁营出击，而且板凳深度够，使乜怕开快车，密食当三番啦！
 
一样基达菲近两战全败，分别输俾利云特0:1，同埋0:4惨负毕尔包，总共吞咗5隻光蛋咁多，反映球队嘅防守同进攻都存在问题，加上佢哋造访鲁营不乏大败往绩，今晚螳臂挡车都係凶多吉少，买巴塞隆拿热开「让主」冇争议啦！